Сумын Гэмт хэргээс урьдчилан сэргийлэх ажлыг зохицуулах салбар зөвлөлөөс (ГХУСАЗСЗ) “АРХИГҮЙ ОРЧИН – АЮУЛГҮЙ АМЬДРАЛ” сэдэвт өдөрлөгийг амжилттай зохион байгууллаа.
Тус өдөрлөгт иргэд, аж ахуйн нэгж байгууллагын төлөөлөл, төрийн албан хаагчид хамрагдан, мэдээлэл сургалт, зөвлөгөөнд идэвхтэй оролцов.
Өдөрлөгийг нээж, сумын ГХУСАЗСЗ-ийн дарга Ч.Лхагвасүрэн зөвлөлийн үйл ажиллагааны чиглэл, бүтэц бүрэлдэхүүний талаар танилцууллаа.
Арга хэмжээний хүрээнд иргэдэд:
-
“Гэмт хэргээс урьдчилан сэргийлэх ажлын эрх зүйн зохицуулалт, бодлого, анхаарах асуудал”- Аймгийн ГХУСАЗСЗ-ийн нарийн бичгийн дарга Э.Сэргэлэнбаатар
-
“Сэтгэцийн эрүүл мэндийн боловсрол, стрессийг даван туулах арга, архи тамхины зохистой хэрэглээ”-Аймгийн нэгдсэн эмнэлгийн донтолт судлаач, сэтгэл засалч их эмч А.Адъяасүрэн
-
“Өсвөр насны хүүхдийн сэтгэлзүй, гэр бүлийн хүмүүжил, хорт зуршлаас урьдчилан сэргийлэх энгийн аргууд” Аймгийн нэгдсэн эмнэлгийн донтолт судлаач, сэтгэл засалч их эмч Ц.Мөнхтунгалаг
-
Сумын 2026 оны 1-р улирлын гэмт хэрэг, зөрчил мөн залилах гэмт хэргийн талаарх мэдээлэл- Сумын хэсгийн Төлөөлөгч Э.Сайханбаатар
-
Дээрх сэдвүүдээр мэргэжлийн байгууллагын төлөөллүүд сургалт, мэдээлэл өгч ажиллалаа.
Мөн өдөрлөгийн үеэр танин мэдэхүйн, хөгжөөнт АХА тэмцээнийг идэвхтэй хамрагдсан оролцогчдын дунд зохион байгуулж, мэдлэг, ур чадвараараа манлайлсан 3-н оролцогчийг шалгарууллаа.Энэхүү өдөрлөг нь иргэдийн эрх зүйн мэдлэгийг дээшлүүлэх, эрүүл зөв амьдралын хэв маягийг төлөвшүүлэх, гэр бүл, нийгмийн орчинд эерэг хандлагыг бий болгох, гэмт хэрэг, зөрчлөөс урьдчилан сэргийлэхэд чиглэсэн арга хэмжээ болж өндөрлөлөө.
